Imami Labinot Maliqi me kërkesë publik për Policinë e Kosovës: Kapni dilerët e drogës, po shkatërrohet rinia

13:06 | 7 Maj 2022
L G

Imami i njohur kosovar, Labinot Maliqi i ka bërë thirrje organeve të ndjekjes që të angazhohen maksimalisht në parandalimin dhe kapjen e shitësve të lëndëve narkotike.

Maliqi përmes një postimi në Facebook, i ka bërë thirrje publike Policisë së Kosovës që të angazhohet më seriozisht në kapjen e dilerëve të drogës, pasi shitje e këtyre narkotikëve tek të rinjtë, po shkatërron shëndetin e tyre.

“I bëjë thirrje Policisë së Kosovës që të angazhohet më shumë e më seriozisht në parandalimin dhe kapjen e shitësve të lëndëve narkotike. Shitja dhe konsumimi i drogës në masë kaq të madhe, e sidomos nga të rinjtë tanë, është një tregues i qartë sesa jo seriozisht dhe pa interesim është trajtuar ndër vite kjo dukuri shkatërruese nga Institucionet e Sigurisë së Kosovës. Shëndeti i të rinjve tanë është duke humbur, kjo duhet ta alarmoj secilin institucion dhe qytetarë të Republikës së Kosovës”, shkruan Maliqi./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm